திட்டமிட்ட குற்றச்செயல்களுடன் தொடர்புபட்ட கொஸ்கொட தாரகவின் மனைவியும், முன்னாள் பெண் பொலிஸ் கான்ஸ்டபிளும் ஐஸ் போதைப்பொருளுடன் கைது செய்யப்பட்டுள்ளதாக தெஹிவளை பொலிஸார் தெரிவித்துள்ளனர்.
தெஹிவளை பொலிஸ் விசேட அதிரடிப் படையினருக்கு கிடைத்த தகவலின் அடிப்படையில் தெஹிவளை பகுதியில் சோதனை நடவடிக்கையினை மேற்கொண்டுள்ளனர்.
இதன்போது, திட்டமிட்ட குற்றச்செயல்களுடன் தொடர்புபட்ட “கொஸ்கொட தாரக” எனப்படும் குற்றவாளியான தர்மகீர்த்தி தாரக பெரேராவின் தல்கஸ்கேன பிரதேசத்தைச் சேர்ந்த 36 வயதுடைய மனைவியிடமிருந்து 5 கிராம் 300 மில்லி கிராம் ஐஸ் போதைப்பொருள் கைப்பற்றப்பட்டுள்ளது.
அத்தோடு, 30 வயதுடைய ஓய்வுபெற்ற பெண் பொலிஸ் கான்ஸ்டபிள் ஒருவரும் கைது செய்யப்பட்டதோடு இவரிடமிருந்து 5 கிராம் 200 மில்லிகிராம் ஐஸ் போதைப்பொருள் கைப்பற்றப்பட்டதாகவும் பொலிஸார் தெரிவித்துள்ளனர்.
