கிளிநொச்சி கனகபுரம் வீதியில் இன்று மாலை இடம்பெற்ற விபத்தில் பெண்ணெருவர் உயிரிழந்தார்.
சம்பவத்தில் மேலும் 3 பெண்கள் படுகாயமடைந்து கிளிநொச்சி மாவட்ட பொது வைத்தியசாலையில் அனுமதிக்கப்பட்டுள்ளனர்.
கோணாவில் பகுதியில் இடம்பெற்ற மரணச்சடங்கு ஒன்றில் கலந்து கொண்டு விட்டு கப் ரக வாகனத்தில் திரும்பிக்கொண்டிருந்த போது வாகனம் வேகக்கட்டுப்பாட்டையிழந்து மதிலுடன் மோதியது.
இதில் படுகாயமடைந்த நால்வரையும் கிளிநொச்சி வைத்தியசாலைக்கு கொண்டு சென்ற போதும், அதில் திருநகரைச் சேர்ந்த 22 வயதான தவராஜா விஜிதா என்ற யுவதி உயிரிழந்தார்.
இந்த நிலையில் விபத்து இடம்பெற்ற இடத்திலிருந்து வாகனதுடன் தப்பிச் சென்ற வாகன சாரதி காவல்துறையில்; சரணடைந்துள்ளார்.
மேலதிக விசாரணைகளை கிளிநொச்சி காவல்துறையினர் மேற்கொண்டு வருகின்றனர்.
