ஆர்.கே.நகர் தொகுதியில் போட்டியிடும் அ.தி.மு.க புரட்சிதலைவி அம்மா கட்சி வேட்பாளர் இ. மதுசூதனனுக்கு சுயேச்சையாக போட்டியிடும் ஏ.எஸ்.அசோக சக்கரவர்த்தி ஆதரவு தெரிவித்தார்.
அ.தி.மு.க. (புரட்சித்தலைவி அம்மா) சார்பில் வெளியிடப்பட்டுள்ள செய்திக்குறிப்பில் கூறப்பட்டுள்ளதாவது:-
முன்னாள் முதல்-அமைச்சர் ஓ.பன்னீர்செல்வத்தை நேற்று ஆர்.கே.நகர் தொகுதியில் போட்டியிடும் சுயேச்சை வேட்பாளர் ஏ.எஸ்.அசோக சக்கரவர்த்தி தலைமையில் ஏராளமானோர் நேரில் சந்தித்து ஆதரவினைத் தெரிவித்தனர். இதேபோல், தே.மு.தி.க. சென்னை மாநகரப் போக்குவரத்து தொழிலாளர் சங்கத் தலைவர் எஸ்.ராஜேஷ் கண்ணா தலைமையில் நிர்வாகிகள், தொண்டர்கள் ஓ.பன்னீர்செல்வத்தை நேரில் சந்தித்து கட்சியில் இணைந்தனர்.
இந்த நிகழ்வின்போது, முன்னாள் அமைச்சர்கள் சி.பொன்னையன், கே.பி.முனுசாமி, நத்தம் ஆர்.விசுவநாதன், வி.மைத்ரேயன் எம்.பி., எஸ்.செம்மலை எம்.எல்.ஏ., ஜெ.சி.டி.பிரபாகர், முன்னாள் எம்.பி. கே.சி.பழனிசாமி, மாபா பாண்டியராஜன் எம்.எல்.ஏ. உள்ளிட்டோர் உடன் இருந்தனர்.
இவ்வாறு அதில் கூறப்பட்டுள்ளது.
