சட்ட விரோதமான முறையில் முச்சக்கரவண்டியில் மாட்டிறைச்சி எடுத்துச் சென்று கொண்டிருந்த மூவர் மிஹிந்தளை, ரபேவ பிரதேசத்தில் வைத்து பொலிஸாரினால் கைது செய்யப்பட்டுள்ளனர்.
ஒரு தொகை மாட்டிறைச்சியை மதவாச்சி, இக்கிரிகொல்லாவ பிரதேசத்திலிருந்து அக்குரணை பிரதேசத்துக்கு எடுத்துச் செல்லும் போதே இவ்வாறு இவர்கள் கைது செய்யப்பட்டுள்ளனர். பொலிஸ் விசேட படைப்பிரிவின் புலனாய்வுத் துறை அதிகாரிகளுக்குக் கிடைக்கப் பெற்ற தகவலின் பேரில் சந்தேகநபர்கள் கைது செய்யப்பட்டுள்ளதாக குறிப்பிடப்படுகின்றது.
