கொட்டாவ, ஹைலெவல் வீதியில் இடம்பெற்ற வாகன விபத்தில் 19 வயதுடைய இளைஞன் ஒருவர் உயிரிழந்துள்ளார்.
கொட்டாவையில் இருந்து மாகும்புர நோக்கிச் சென்ற வேன் ஒன்று மாகும்புரவில் இருந்து கொட்டாவை நோக்கி பயணித்த மோட்டார் சைக்கிள் மீது மோதியதில் இந்த விபத்து இடம்பெற்றுள்ளது.
விபத்தின் பின்னர் மோட்டார் சைக்கிள் வீதியில் கவிழ்ந்து கொட்டாவையில் இருந்து மாக்கும்புர நோக்கி பயணித்த கெப் வாகனத்தில் மோதுண்டுள்ளது.
நேற்று (25) இடம்பெற்ற விபத்தில் உயிரிழந்த இளைஞன் பன்னிபிட்டிய பிரதேசத்தைச் சேர்ந்தவர்.
விபத்துடன் தொடர்புடைய வேன் மற்றும் கெப் வண்டியின் சாரதிகள் இருவரும் கைது செய்யப்பட்டுள்ளதுடன், மேலதிக விசாரணைகளை கொட்டாவ பொலிஸார் மேற்கொண்டு வருகின்றனர்.
இதேவேளை கொடிகாமம் புத்தூர் சந்திக்கு அருகில் சொகுசு பஸ் ஒன்று மோட்டார் சைக்கிள் மீது மோதிய விபத்தில் ஒருவர் உயிரிழந்துள்ளார்.
கிளிநொச்சி பகுதியைச் சேர்ந்த 41 வயதுடைய நபரே உயிரிழந்துள்ளார்.
