மோதரை, லேல்லம பிரதேசத்தில் நபரொருவரை கடந்த 16 ஆம் திகதி கொலை செய்ய முயற்சித்த பிரதான சந்தேக நபர் கடவத்தை, மங்கட பகுதியில் 10 கிராம் 200 மில்லிகிராம் ஹெரோயினுடன் பொலிஸ் விசேட அதிரடிப்படையினரால் கைது செய்யப்பட்டுள்ளார்.
சந்தேக நபர் 2007 ஆம் ஆண்டு முதல் 2013 ஆம் ஆண்டு வரை இராணுவத்தில் கடமையாற்றியவர் என்பது விசாரணைகளிலிருந்து தெரிய வந்துள்ளதாக பொலிஸ் விசேட அதிரடிப்படை தெரிவித்துள்ளது.
சந்தேக நபர் ஒழுங்கமைக்கப்பட்ட குற்றச் செயல்களில் தொடர்புடைய ஒழுங்கமைக்கப்பட்ட குற்றவியல் மற்றும் போதைப்பொருள் கடத்தல்காரரான வெல்லே சாரங்கவின் சகா என தெரியவந்துள்ளது .
பொலிஸாரால் தேடப்பட்டு வந்த இந்த சந்தேகநபர் மேலதிக விசாரணைகளுக்காகக் கொழும்பு குற்றத்தடுப்பு பிரிவினரிடம் ஒப்படைக்கப்பட்டுள்ளதுடன் மேலதிக விசாரணைகள் பொலிஸாரால் முன்னெடுக்கப்பட்டு வருகின்றன.
