வசீம் தாஜூதீன் கொலை தொடர்பில் கைது செய்யப்பட்டு விளக்கமறியலில் தடுத்து வைக்கப்பட்டுள்ள முன்னாள் சிரேஷ்ட பிரதி காவற்துறைமா அதிபர் அநுர சேனாநாயக்கவின் விளக்கமறியல் காலம் மீண்டும் நீடிக்கப்பட்டுள்ளது.
இதற்கமைய அவர் இந்த மாதம் 18ஆம் திகதி வரையில் விளக்கமறியலில் வைக்கப்பட்டுள்ளார்.
இது தொடர்பான வழக்கு இன்று கொழும்பு பதில் நீதவான் முன்னிலையில் விசாரணைக்காக எடுத்துக் கொள்ளப்பட்டது.
இதன்போதே இந்த தீர்ப்பு வழங்கப்பட்டது.
வசீம் தாஜூதீன் கொலை தொடர்பில் மேற்கொள்ளப்படும் விசாரணைகள் இன்னும் நிறைவடையவில்லை எனவும், நீண்ட விசாரணை முன்னெடுக்கப்படுவதாகவும் சட்டமா அதிபர் சார்பில் நீதிமன்றில் முன்னிலையான மேலதிக மன்றாடியார் நாயகம் நீதிமன்றத்திடம் அறிவித்துள்ளார்.
