கட்டட பொறியியலாளர் ஒருவர் காணாமல் போயுள்ளதாக அங்குருவத்தோட்ட பொலிஸார் தெரிவித்துள்ளனர்.
காணாமல் போனவர் பொரலஸ்கமுவ பிரதேசத்தை சேர்ந்த 66 வயதுடைய கட்டட பொறியியலாளர் ஆவார்.
இவர் செலுத்திச் சென்ற கெப் வண்டியொன்று அங்குருவத்தோட்ட நார்துபான பாலத்துக்கு அருகில் வைத்து பொலிஸாரால் மீட்கப்பட்டுள்ளது.
வண்டிக்குள் இருந்து பணப்பை, மடிக்கணினி மற்றும் துணி வகைகள் ஆகியன பொலிஸாரால் மீட்கப்பட்டுள்ளன.
இவரது மனைவி இது தொடர்பில் பொரலஸ்கமுவ பொலிஸ் நிலையத்தில் முறைப்பாடு வழங்கியுள்ளமை விசாரணையில் தெரியவந்துள்ளது.
இந்த சம்பவம் தொடர்பில் பாணந்துறை குற்றப் புலனாய்வுப் பிரிவினர் விசாரணைகளை மேற்கொண்டு வருகின்றனர்.
