மகா ஓயாவில் நீராடிய இரு மாணவர்கள் நீரில் மூழ்கி உயிரிழந்துள்ளதாக பொலிஸார் தெரிவித்தனர்.
இந்த சம்பவம் நேற்று வியாழக்கிழமை (07) இடம்பெற்றுள்ளது.
இருவரும் விளையாட செல்வதாக வீட்டில் கூறி நீராட சென்ற போதே இவ்வாறு உயிரிழந்துள்ளதாக பொலிஸார் தெரிவித்தனர்.
உயிரிழந்தவர்கள் வெலிஹேன, தழுவா கோட்டை பிரதேசங்களை சேர்ந்த 15 வயதுடைய பாடசாலை மாணவர்களாவர்.
இவர்கள் கடந்த சில மாதங்களுக்கு முன்னர் நீரில் அடித்து செல்லப்பட்டதாகவும் பிரதேசவாசிகளால் இருவரும் மீட்கப்பட்டதாகவும் விசாரணையில் தெரியவந்துள்ளது.
இந்த சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.
