கடமையை பொறுப்பேற்றார் தேசபந்து தென்னக்கோன்

பதில் பொலிஸ்மா அதிபராக நியமிக்கப்பட்ட தேசபந்து தென்னக்கோன் தனது கடமைகளைப் பொறுப்பேற்றார்.

மேல் மாகாணத்துக்குப்  பொறுப்பான சிரேஷ்ட பிரதிப் பொலிஸ் மா அதிபர் தேசபந்து தென்னக்கோன் பதில் பொலிஸ் மா அதிபராக  நேற்று புதன்கிழமை (29) நியமிக்கப்பட்ட நிலையில் அவர் இன்றையதினம் தனது கடமைகளைப் பொறுப்பேற்றார்.

இதுவரை பொலிஸ் மா அதிபராக கடமையாற்றிய சி.டி.விக்ரமரத்னவுக்கு வழங்கப்பட்ட சேவைக்கால நீடிப்பு கடந்த 24 ஆம் திகதியுடன் நிறைவடைந்ததையடுத்து பொலிஸ் மா அதிபர் பதவி வெற்றிடமாக இருந்த நிலையில், தற்போது பிரதிப் பொலிஸ்மா அதிபராக தேசபந்து தென்னக்கோன் நியமிக்கப்பட்டுள்ளமை குறிப்பிடத்தக்கது.