வீதியில் படுத்திருந்த மாட்டினால் ஓமந்தையில் விபத்து!

ஓமந்தை பகுதியல் இன்று ஞாயிற்றுக்கிழமை (19) யாழ்ப்பாணத்தில் இருந்து கண்டி நோக்கி பயணித்த கன ரக வாகனம் ஒன்று விபத்துக்குள்ளானது.

யாழ்ப்பாணத்தில் இருந்து கண்டி நோக்கி பயணித்த கன ரக வாகனம், ஓமந்தையில் வீதியில் படுத்திருந்த மாட்டினை கடப்பதற்கு முற்பட்ட வேளையில் பின்னால் வந்த இலங்கை போக்குவரத்து சபைக்கு சொந்தமான பஸ் ஒன்று குறித்த வாகனத்தின் பின்புற பகுதியில் மோதியது.

இதனால் கன ரக வாகனம் கட்டுப்பாட்டை இழந்து வீதியை விட்டு விலகி தடம்புரண்டது. இதனால் வாகனத்தில் பயணித்த இருவருக்கும் சிறு காயங்கள் ஏற்பட்டுள்ளது.

இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்