சீரற்ற காலநிலை காரணமாக கண்டி – மஹியங்கனை வீதியின் தெல்தெனிய, ரம்புக்வெல்ல பிரதேசத்தில் நேற்று (04) இரவு மண்மேடு சரிந்து பழக்கடை ஒன்றின் மீது விழுந்ததில் கடைக்குள் இருந்த பெண் உயிரிழந்தார்.
உயிரிழந்த பெண் அதே பகுதியை சேர்ந்த 37 வயதுடையவர் எனவும் அவர் அந்த பழக்கடையின் உரிமையாளர் எனவும் பொலிஸார் தெரிவித்தனர்.
மண்மேடு சரிந்து விழுந்ததையடுத்து, மண்ணுக்குள் புதைந்துகிடந்த குறித்த பெண்ணை பொலிஸார் பிரதேச மக்களின் உதவியோடு மீட்டு தெல்தெனிய வைத்தியசாலையில் அனுமதித்தபோதும் அவரை காப்பாற்ற முடியவில்லை.
