ஹெரோயின் போதைப் பொருளுடன் மூவரை கைதுசெய்துள்ளதாக ஹாலிஎல பொலிஸார் தெரிவித்தனர்.
ஹெரோயின் போதைப் பொருளுடன் ஹாலிஎல நகரில் இன்று காலை 5 கிராம் 7 மில்லிகிராம் ஹெரோயினுடன் மூன்று சந்தேக நபர்கள் கைதுசெய்யப்பட்டுள்ளதாக பொலிஸார் தெரிவித்தனர்.
ஹாலிஎல பொலிஸாருக்கு கிடைக்கப்பெற்ற இரகசிய தகவலுக்கு அமைய குறித்த சந்தேக நபர்களை சோதனைக்கு உட்படுத்தியபோது அவர்களிடம் இருந்து ஹெரோயின் போதைப் பொருள் மீட்கப்பட்டுள்ளது.
கைதுசெய்யப்பட்டுள்ள சந்தேக நபர்கள் 30, 36 மற்றும் 42 வயதுடைய ஹாலியால, உடுவர மற்றும் அந்துடுவ பிரதேசத்தை சேர்ந்தவர்கள் என பொலிஸார் மேலும் தெரிவித்தனர்.
சந்தேக நபர்களை இன்றைய தினம் பதுளை நீதவான் நீதிமன்றத்தில் ஆஜர்படுத்துவதற்கான நடவடிக்கைகளை மேற்கொண்டு வருவதாக ஹாலிஎல பொலிஸார் தெரிவித்தனர்
