மடுல்சீமை பொலிஸ் பிரிவுக்குட்பட்ட பசறை – மடுல்சிமை வீதியில் அமுனுதோவ கல்லுக்கடைக்கு அருகாமையில் ஆட்டோ ஒன்று வீதியை விட்டு விலகி விபத்துக்குள்ளானது.
இந்த விபத்தில் ஆட்டோ சாரதி உட்பட அதில் பயணித்த மேலும் இருவர் சிறு காயங்களுக்கு உள்ளானதோடு, மேலதிக வகுப்புக்குச் சென்று வீடு திரும்பிக்கொண்டிருந்த 16 வயது மாணவர் ஒருவர் ஆட்டோவில் மோதுண்டு காயமடைந்துள்ளதாக மடுல்சிமை பொலிஸார் தெரிவித்தனர்.
ஆட்டோவில் மோதி காயமடைந்த மாணவர் கலபாரதிபுறம் மஹதோவ பகுதியைச் சேர்ந்தவர் என கூறப்படுகிறது.
காயமடைந்த மாணவர் பசறை வைத்தியசாலையில் அனுமதிக்கப்பட்டு முதலுதவி சிகிச்சை அளிக்கப்பட்டதன் பின்னர் மேலதிக சிகிச்சைகளுக்காக பதுளை வைத்தியசாலைக்கு மாற்றப்பட்டு சிகிச்சை பெற்று வருகிறார்.
இச்சம்பவம் தொடர்பில் மேலதிக விசாரணைகளை மடுல்சிமை பொலிஸார் மேற்கொண்டு வருகின்றனர்.
