அஹுங்கல்ல பதிராஜகமவில் இரு குழுக்களுக்கிடையில் ஏற்பட்ட மோதலின்போது அசிட் வீச்சு மற்றும் கூரிய ஆயுதத்தால் தாக்கப்பட்டதில் ஆறு பேர் காயமடைந்துள்ளதாக அஹுங்கல்ல பொலிஸார் தெரிவிக்கின்றனர்.
இந்தச் சம்பவம் இன்று புதன்கிழமை 11) பகல் இடம்பெற்றுள்ளது.
இந்த மோதலில் இரு குழுக்களையும் சேர்ந்த தலா மூன்று பேர் என ஆறு பேர் காயமடைந்துள்ளதாகவும், அவர்களில் மூன்று பெண்களும் அடங்குவதாகவும் பொலிஸார் தெரிவிக்கின்றனர்.
ஒரு தரப்பினரின் வாள்வெட்டுத் தாக்குதலில் மற்றைய தரப்பைச் சேர்ந்த ஒருவர் படுகாயமடைந்துள்ளதாகவும்,இதனையடுத்து மற்றைய தரப்பினர் மேற்கொண்ட அசிட் வீச்சு மற்றும் தாக்குதல்களினால் ஐவர் காயமடைந்துள்ளதாகவும் பொலிஸார் தெரிவிக்கின்றனர்.
