கஞ்சாவுடன் கைதான பாராளுமன்ற உறுப்பினர்களின் பாதுகாப்புப் பிரிவில் கடமையாற்றும் பொலிஸ் உத்தியோகத்தர் ஒருவர் பணி இடைநிறுத்தம் செய்யப்பட்டுள்ளார்.
கஞ்சா போதைப்பொருள் கடத்தல் தொடர்பாக பாராளுமன்ற உறுப்பினர்களின் பாதுகாப்புப் பிரிவில் கடமையாற்றும் பொலிஸ் உத்தியோகத்தர் ஒருவர் உள்ளிட்ட 3 பேர் அண்மையில் ஒக்கம்பிட்டிய பிரதேசத்தில் வைத்து பொலிஸார் கைதுசெய்துள்ளனர்.
ஒக்கம்பிடிய பிரதேசத்தில் முச்சக்கரவண்டியில் மூன்று கஞ்சா போதைப்பொருள் பொதிகளை கடத்திச்சென்ற போதே குறித்த 3 பேரும் கைதுசெய்யப்பட்டுள்ளமை குறிப்பிடத்தக்கது.
இது தொடர்பில் மேலதிக விசாரணைகளை பொலிஸார் மேற்கொண்டு வருகின்றனர்.
