களுத்துறையில் தீயில் எரிந்து நாசமாகிய மர ஆலை

மர ஆலையொன்றில் ஏற்பட்ட தீ விபத்தில்  மர ஆலையிலுள்ள மரப்பொருட்கள் அனைத்தும் முற்றாக எரிந்து நாசமாகியுள்ளதாக களுத்துறை பொலிஸார் தெரிவித்தனர் .

களுத்துறை – வஸ்கடுவ பகுதியில் உள்ள மர ஆலை ஒன்றிலேயே நேற்று வெள்ளிக்கிழமை (11) இரவு 9.30 மணிக்கு குறித்த தீ பரவல் ஏற்பட்டுள்ளது .

இதனையடுத்து களுத்துறை மாநகர சபையின் இரு தீயணைப்பு வாகனங்கள் குறித்த பகுதிக்கு அனுப்பப்பட்டதுடன் இராணுவம் மற்றும் பொலிஸாரின் உதவியுடன் தீ கட்டுக்குள் கொண்டுவரப்பட்டது .

குறித்த தீபரவலுக்கான காரணம் இதுவரை தெரியவரவில்லை எனத் தெரிவிக்கும் பொலிஸார் மேலதிக விசாரணைகளை மேற்கொண்டு வருகின்றனர்.