பொலிஸ் உத்தியோகத்தர் ஒருவருக்கு இலஞ்சம் வழங்கிய நபர் ஒருவர் கலேவெல பிரதேசத்தில் கைது செய்யப்பட்டுள்ளார். இப்பாகமுவ பிரதேசத்தைச் சேர்ந்த 64 வயதுடைய ஒருவரே இவ்வாறு கைது செய்யப்பட்டுள்ளார்.
சந்தேக நபர் தனது மகன் ஒருவர் தொடர்பில் முறைப்பாடு செய்ய வேண்டும் என கலேவெல பொலிஸ் பொறுப்பதிகாரியைச் சந்தித்துள்ளார்.
இதனையடுத்து முறைப்பாட்டை பதிவு செய்வதற்கு தேவையான அறிவுறுத்தல்களை வழங்கிய பின்னர், இரு தரப்பையும் முன்னிலைப்படுத்துமாறு பல்வேறு முறைப்பாடுகள் பிரிவு பொறுப்பதிகாரிக்கு பொலிஸ் பொறுப்பதிகாரி அறிவுறுத்தல்களை வழங்கியுள்ளார்.
இதன்போது சந்தேக நபர் 5,000 ரூபா பணத்தாள்கள் அடங்கிய உறையொன்றை பொலிஸ் உத்தியோகத்தரிடம் வழங்கிய நிலையிலேயே சந்தேக நபர் கைது செய்யப்பட்டதாக பொலிஸார் தெரிவித்தனர்.
சந்தேக நபர் தம்புள்ளை நீதிவான் முன்னிலையில் ஆஜர்படுத்தப்படவுள்ளார்.
