பாதுகாப்பற்ற ரயில் கடவையின் ஊடாக பயணித்த சிறிய ரக லொறியொன்று ரயிலுடன் மோதிய விபத்தில் நபர் ஒருவர் உயிரிழந்துள்ளார்.
இந்த விபத்து நேற்று (22) வெல்லவ, வரத்தன பிரதேசத்தில் இடம்பெற்றுள்ளது.
அனுராதபுரத்தில் இருந்து கொழும்பு நோக்கி பயணித்த ரயிலுடன் லொறி மோதியுள்ளதாக பொலிஸார் தெரிவிக்கின்றனர்.
விபத்தின் போது லொறியில் இருவர் பயணித்துள்ளதுடன், லொறியின் சாரதி உயிரிழந்துள்ளதாக தெரிவிக்கப்படுகின்றது.
விபத்தில் படுகாயமடைந்த லொறியின் சாரதியும் மற்றைய நபரும் வெல்லவ வைத்தியசாலையில் அனுமதிக்கப்பட்டு மேலதிக சிகிச்சைக்காக குருநாகல் வைத்தியசாலையில் அனுமதிக்கப்பட்ட நிலையில் லொறியின் சாரதி உயிரிழந்துள்ளதாக பொலிஸார் தெரிவித்தனர்.
நாரம்மல பகுதியைச் சேர்ந்த 38 வயதுடைய நபரே விபத்தில் உயிரிழந்துள்ளார்.
இதேவேளை, யாழ்ப்பாணம் தென்மராட்சி மீசாலை புத்தூர் சந்திக்கு அருகாமையில் ரயிலுடன் மோதுண்டு வயோதிபர் உயிரிழந்துள்ளார்.
கொழும்பு கோட்டையில் இருந்து காங்கேசன்துறை நோக்கி பயணித்த ரயிலுடன் மோட்டார் சைக்கிள் மோதுண்டு நேற்று (22) இந்த விபத்து இடம்பெற்றுள்ளது.
மோட்டார் சைக்கிள் ரயில் கடவையை கடக்க முற்பட்ட போதே விபத்து நேர்ந்துள்ளது.
சம்பவத்தில் மீசாலை கிழக்கை சேர்ந்த 68 வயதுடைய நபரே உயிரிழந்துள்ளார்.
