பிரபல ஜேர்மன் பாடிபில்டர் 30 வயதில் திடீரென உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.
ஜேர்மன் பாடிபில்டர் மற்றும் யூடியூப் நட்சத்திரம் ஜோ லிண்ட்னர் (Jo Lindner) என்கிற Joesthetics தனது 30வது வயதில் திடீரென காலமானார். அவர் தலை நரம்பு வெடித்ததால் இறந்ததாக கூறப்படுகிறது.
இளம் வயதிலேயே, தனது உடல் கட்டமைப்பால் பிரபலமான ஜோ லிண்ட்னர், உலகம் முழுவதும் உள்ள இளைஞர்களுக்கு உத்வேகமாக இருந்தார். சமூக ஊடக இன்ஃப்ளுயன்சரான Joesthetics, இன்ஸ்டாகிராமில் 8.5 மில்லியன் பின்தொடர்பவர்களையும், அவரது யூடியூப் சேனலில் 9.5 லட்சம் சப்ஸ்கிரைபர்களுடன் 500 மில்லியன் பார்வைகளையும் பெற்றிருந்தார்.
இந்நிலையில் அவரது திடீர் மறைவு அவரது ரசிகர்களிடையே பெரும் அதிர்ச்சியை ஏற்படுத்தியுள்ளது.
ஜோ லிண்ட்னர் ராஷ்மிகா மந்தனா நடித்த கன்னட திரைப்படமான போகருவிலும் நடித்துள்ளார் என்பது குறிப்பிடத்தக்கது.
லிண்ட்னருக்கு அனியூரிசம் என்ற ஆபத்தான நோய் இருந்தது. இந்த நோய் பொதுவாக தலை, கால்கள் மற்றும் வயிற்றில் ஏற்படுகிறது. இந்தியாவில் இந்த நோய் பற்றி வெகு சிலரே அறிந்திருக்கிறார்கள். இதன் காரணமாக ஒவ்வொரு ஆண்டும் ஆயிரக்கணக்கான மக்கள் இந்த நோயால் இறக்கின்றனர்.
இந்த நோயின் அறிகுறிகளைக் கூறுவது கடினம். ஏனெனில் அதன் அறிகுறிகள் தெரிவதில்லை. உடலின் ஒரு பகுதியில் இருந்து திடீரென ரத்தக் கசிவு, திடீரென இதயத் துடிப்பு அதிகரிப்பு, நரம்புகளில் கடுமையான வலி, தலைசுற்றல், கண்களுக்கு மேல் அல்லது கீழ் வலி ஆகியவை இந்நோயின் முக்கிய அறிகுறிகளாகும்.
லிண்ட்னரின் மரணம் அவரது காதலி நிச்சாவை (Nicha) பெரும் சோகத்திற்கு ஆழ்த்தியுள்ளது. இன்ஸ்டாகிராமில் தனது வருத்தத்தை தெரிவித்துள்ளார். மிகவும் நல்ல மனிதராக இருந்தவர். அவர் அனூரிசம் நோயால் இறந்தார். அப்போது நான் அவருடன் அறையில் இருந்தேன். எனக்காக செய்து கொடுத்த நகையை என் கழுத்தில் போட்டார். நாங்கள் நெருக்கமாக தூங்கிக் கொண்டிருந்தோம். மாலையில் ஜிம்மிற்குச் செல்வதை எதிர்பார்த்துக் கொண்டிருந்தான். உண்மையில், மூன்று நாட்களுக்கு முன்புதான் அவருக்கு கழுத்தில் வலி இருந்தது. என்னிடம் சொல்லியிருந்தார். இருப்பினும், நேரம் கடந்து, நாங்கள் அதைக் கண்டுபிடித்தோம். இதற்கு மேல் என்னால் இப்போது எதுவும் எழுத முடியாது, என்றாள்.
ஜோ லிண்ட்னரை நீங்கள் அறிந்ததை விட அவர் மிகச் சிறந்தவர். அவர் மிகவும் இனிமையானவர், கனிவானவர், வலிமையானவர் மற்றும் கடின உழைப்பாளி. அவர் ஒரு நேர்மையான மற்றும் புத்திசாலி பையன். இவர் தனது ரசிகர்களை ஊக்குவிக்கும் வகையில் பல பணிகளை செய்துள்ளார். அவர் மக்களை உற்சாகப்படுத்தினார். இதனால் தான் என்னால் ஓய்வெடுக்க முடியாது என்று அவர் அடிக்கடி கூறுவதாகவும் கூறினாள்.
ஜோ லிண்ட்னரின் மரணத்திற்குப் பிறகு அவரது நண்பர் நோயல் டெஜ்லே அவருக்கு இரங்கல் தெரிவித்திருக்கிறார். லிண்ட்னரின் ஆன்மா சாந்தியடையட்டும். இப்போது உன் பிரிவால் நான் நிலைகுலைந்துவிட்டேன். நீ எங்களுக்கு பல முக்கியமான ஆலோசனைகளை வழங்கியுள்ளீர்கள். உன் பெருந்தன்மையை நாங்கள் எப்போதும் நினைவில் வைத்திருப்போம் என்கிறார் நோயல்.
