பாண் உட்பட வெதுப்பக உற்பத்திகளின் விலை குறைப்பு!

450 கிராம் நிறை கொண்ட பாண் உட்பட, ஏனைய வெதுப்பக உற்பத்திகளின் விலை, நேற்று நள்ளிரவு முதல் 10 ரூபாவினால் குறைக்கப்பட்டுள்ளது.
இந்தநிலையில், பாண் உள்ளிட்ட வெதுப்பக உற்பத்திப் பொருட்களின் விலை, வர்த்தக நிலையங்களில் காட்சிப்படுத்தப்பட வேண்டியது அவசியம் என நுகர்வோர் அதிகார சபை தெரிவித்துள்ளது.
உணவுப் பொருட்களின் விலை குறைப்பானது மக்களுக்கு நன்மை பயக்கும் வகையில் அமைய வேண்டும் என்றும், விலையை காட்சிப்படுத்தாத வர்த்தகர்களுக்கு எதிராக சட்ட நடவடிக்கை எடுக்கவுள்ளதாகவும் நுகர்வோர் அதிகார சபையின் தலைவர் தெரிவித்துள்ளார்.