நியுசிலாந்தின் ஆக்லாந்து நகரில் உள்ள மூன்று உணவகங்களிற்குள் கோடாரியுடன் நுழைந்த நபர் ஒருவர் மேற்கொண்ட தாக்குதலில் நால்வர் காயமடைந்த நிலையில் மருத்துவமனையில் அனுமதிக்கப்பட்டுள்ளனர்.
தாக்குதலை மேற்கொண்ட 24 வயது நபர் கைதுசெய்யப்பட்டுள்ளார்.
நண்பர்களுடன் உணவருந்திக்கொண்டிருந்தவேளை நபர் ஒருவர் உள்ளே நுழைந்து தாக்குதலை மேற்கொண்டார் என சம்பவத்தை நேரில்; பார்த்தவர் நியுசிலாந்து ஊடகங்களிற்கு தெரிவித்துள்ளார்.
என்ன நடக்கின்றது என்பதை உணர்ந்தவேளை நான் அதிர்ச்சியடைந்தேன் அவர் என்னை தாக்க முயன்றார் அவர் எனது தலையை இலக்குவைக்கின்றார் என்பதை உணர்ந்ததும் அவரது கோடரியை எனது கையால் தடுத்தேன் என அவர் குறிப்பிட்டுள்ளார்.
பின்னர் அந்த நபர் கோடரியை காண்பித்து அங்குள்ளவர்களை வெளியே விரட்டிவிட்டு அங்கிருந்து வெளியேறி அடுத்த சீன உணவகத்தை நோக்கி சென்றார் எனவும் அவர் தெரிவித்துள்ளார்.
தனது நண்பரை கோடாரியால் அந்த நபர் தாக்கினார் என சம்பவத்தை நேரில் பார்த்த ஒருவர் தெரிவித்துள்ளார்
