அவுஸ்திரேலியாவில் பஸ் ஒன்று விபத்துக்குள்ளானதில் குறைந்தபட்சம் 10 பேர் உயிரிழந்ததுடன் மேலும் 20 பேர் வைத்தியசாலையில் அனுமதிக்கப்பட்டுள்ளனர்.
நியூ சௌத் வேல்ஸ் மாநிலத்தின் வைன் கவுன்ரி ட்ரைவ் பகுதியில் நேற்று ஞாயிற்றுக்கிழமை (11) இரவு இச்சம்பவம் இடம்பெற்றுள்ளது.
திருமண நிகழ்வொன்றில் பங்குபற்றிவிட்டு திரும்பிக் கொண்டிருந்தவர்கள் பயணம் செய்த பஸ்ஸே இவ்வாறு விபத்துகுள்ளாகி உள்ளது.
58 வயதான பஸ் சாரதி கைது செய்யப்பட்டுள்ளார். இவ்விபத்து ஏற்பட்ட சூழ்நிலை குறித்து விசாரணை நடத்துவதாக பொலிஸார் தெரிவித்துள்ளனர்.
