பாணந்துறை, வெகடபஹங்கம பிரதேசத்தில் இரண்டு மாடி வீடொன்றின் அறையில் சந்தேகத்துக்கிடமான முறையில் காணப்பட்ட நபரொருவரின் சடலம் பாணந்துறை தெற்கு பொலிஸாரால் கண்டுபிடிக்கப்பட்டுள்ளது.
இறந்தவர் இந்த இரண்டு மாடி வீட்டின் மேல் தளத்தில் ஓர் அறையை வாடகைக்கு எடுத்து தங்கியிருந்ததாக பொலிஸார் தெரிவித்தனர்.
குறித்த நபர் தங்கியிருந்த அறையிலிருந்து கடும் துர்நாற்றம் வீசுவதாக கிடைத்த முறைப்பாட்டின் அடிப்படையில் பாணந்துறை தெற்கு பொலிஸார் இன்று (29) இந்த வீட்டை சோதனையிட்டுள்ளனர்.
இதன்போதே குறித்த சடலம் பொலிஸாரால் மீட்கப்பட்டுள்ளது.
இவர் ஹோமாகம பிரதேசத்தை சேர்ந்த 40 வயதுடையவர் என தெரியவந்துள்ளது.
இரண்டு மாடிகளைக் கொண்ட வீட்டின் உரிமையாளர் வீட்டின் கீழ் தளத்தில் இருந்ததாகவும், இம்மரணம் தொடர்பில் விசாரணைகளை மேற்கொண்டு வருவதாகவும் பாணந்துறை தெற்கு பொலிஸார் மேலும் தெரிவித்தனர்.
