அநுராதபுர மாவட்டத்தில் தம்புத்தேகம பிரதேசத்தில் திருமண வரவேற்பு நிகழ்வின் போது இடம்பெற்ற வாணவேடிக்கையின் போது ஏற்பட்ட வெடி விபத்தில் படுகாயமடைந்த நபரொருவர் வைத்தியசாலையில் அனுமதிக்கப்பட்ட நிலையில் உயிரிழந்துள்ளார்.
தம்புத்தேகம, தேக்வத்த பகுதியைச் சேர்ந்த மோட்டார் சைக்கிள் திருத்துனரான தனுஷக லக்மால் ஜயதிலக்க (வயது 31) என்பவரே உயிரிழந்துள்ளார்.
பட்டாசு வெடிக்க முற்பட்ட போது பட்டாசு வெடித்து தலையில் பலத்த காயம் ஏற்பட்டதாக விசாரணையில் தெரியவந்துள்ளது.
தம்புத்தேகம பொலிஸார் மேலதிக விசாரணைகளை மேற்கொண்டு வருகின்றனர்.
