ஆசிய அபிவிருத்தி வங்கி மற்றும் தேசிய நீர் வழங்கல் வடிகாலமைப்பு சபை அதிகாரிகளுக்கிடையிலான விசேட கலந்துரையாடமொன்று நீர் வழங்கல் மற்றும் தோட்ட உட்கட்டமைப்பு அபிவிருத்தி அமைச்சர் ஜீவன் தொண்டமான் தலைமையில் கொழும்பில் உள்ள நீர்வழங்கல் மற்றும் தோட்ட உட்கட்டமைப்பு வசதிகள் அபிவிருத்தி அமைச்சில் நடைபெற்றது.
நீர்வளத்துறையில் மேற்கொள்ளப்படவுள்ள மறுசீரமைப்பு நடவடிக்கைக்கான ஒப்பந்தங்களை இறுதிப்படுத்தும் நோக்கிலேயே இச்சந்திப்பு இடம்பெற்றது.
மூன்று ஆண்டு கால சீர்திருத்த திட்டத்தில் ஒருமித்த கருத்தை அடைவதே கூட்டத்தின் நோக்கமாகும்.
சீர்திருத்த வேலைத்திட்டமானது இலங்கையின் நீர்த்துறையில் உள்ள பல அடிப்படை பிரச்சினைகளுக்கு தீர்வு காண்பதை நோக்கமாகக் கொண்டுள்ளது.
இந்த மாற்றியமைக்கும் முன்முயற்சி ADB யிடமிருந்து கணிசமான ஆதரவைப் பெற்றுள்ளது, இது சீர்திருத்த நிகழ்ச்சி நிரலை வலுப்படுத்த பட்ஜெட் ஆதரவு உதவியாக 200 மில்லியன் அமெரிக்க டாலர்களை வழங்கும் என்று எதிர்பார்க்கப்படுகிறது.
சந்திப்பு சாதகமான முடிந்துள்ளது. இது ஆசிய அபிவிருத்தி வங்கிக்கும் இலங்கை அரசாங்கத்திற்கும் இடையில் ஏற்றுக்கொள்ளப்பட்ட முடிவுகளை இறுதி செய்வதற்கு வழிவகுத்தது.
இந்த சந்திப்பின் போது அமைச்சர் ஜீவன் தொண்டமான், மறுசீரமைப்பு நிகழ்ச்சி நிரலை நிறைவு செய்வதற்கான தெளிவான வழிகாட்டுதல்களையும் காலக்கெடுவையும் வழங்கினார்.
