வவுனியா – மன்னார் வீதியில் வேப்பங்குளம் பகுதியில் நேற்றிரவு (12) இடம்பெற்ற மோட்டார் சைக்கிள் விபத்தில் இளைஞரொருவர் சம்பவ இடத்திலேயே உயிரிழந்துள்ளார்.
வவுனியா, நெளுக்குளம் பகுதியில் இருந்து வவுனியா நகரை நோக்கி சென்ற மோட்டார் சைக்கிள் வேப்பங்குளம் பகுதியில் பயணித்த போது நாயொன்றின் மீது மோதியதோடு, அருகில் இருந்த பாலத்தின் மீதும் மோதியுள்ளது.
இந்த விபத்தில் மகாறம்பைக்குளம் பகுதியை சேர்ந்த தனுஜன் (வயது 20) என்ற இளைஞர் சம்பவ இடத்திலேயே உயிரிழந்துள்ளார்.
இவ்விபத்து தொடர்பான மேலதிக விசாரணையினை நெளுக்குளம் பொலிஸார் முன்னெடுத்துள்ளனர்.
