மதுபோதையில் வாகனம் செலுத்திய குற்றச்சாட்டு உள்ளிட்ட குற்றச்சாட்டுக்களில் கைதான இளைஞனுக்கு யாழ். நீதவான் நீதிமன்று 2 மாத சிறைத்தண்டனை விதித்துள்ளது.
மதுபோதையில் மோட்டார் சைக்கிளை செலுத்தியமை , தலைக்கவசம் அணியாமை , சாரதி அனுமதி பத்திரம் இன்றி வாகனம் செலுத்தியமை , உள்ளிட்ட குற்றச்சாட்டில் இளைஞன் ஒருவரை கோப்பாய் பொலிஸார் கைது செய்து இருந்தனர்.
கைது செய்யப்பட்ட இளைஞனை நேற்றைய தினம் வியாழக்கிழமை நீதவான் நீதிமன்றில் முற்படுத்திய வேளை , இளைஞன் தன் மீது சுமத்தப்பட்ட குற்றச்சாட்டுக்களை ஏற்றுக்கொண்டதை அடுத்து , இளைஞனுக்கு இரண்டு மாத சிறைத்தண்டனை விதித்து தீர்ப்பளித்தது யாழ்.நீதவான் நீதிமன்று.
