களுத்துறை – நாகொட பிரதேசத்தில் ஐந்து மாடி கட்டடத்தின் மூன்றாவது மாடியில் இருந்து தவறி விழுந்து சிறுமியொருவர் மர்மமான முறையில் உயிரிழந்த சம்பவம் தொடர்பில் மற்றுமொரு சந்தேகநபர் கைது செய்யப்பட்டுள்ளார்.
குறித்த விடுதிக்கு சிறுமி மற்றும் ஏனைய குழுவினரை வாடகை அடிப்படையில் அழைத்துச் சென்ற மகிழுந்தின் சாரதியே இவ்வாறு கைதுசெய்யப்பட்டுள்ளதாக காவல்துறையினர் தெரிவிக்கின்றனர்.
தற்போது காவல்துறையினர் தேடிவரும் இளைஞர் ஒருவரும் இந்த மகிழுந்திலேயே தப்பிச் சென்றுள்ளதாக தெரியவந்துள்ளது.
குறித்த மாணவியுடன் இரு ஆண்களும் மற்றுமொரு பெண்ணும் விடுதிக்கு சென்றுள்ளனர்.
அதில் குறித்த பெண்ணும் ஆண் ஒருவரும் நேற்று கைது செய்யப்பட்ட நிலையில் மற்றைய இளைஞர் தற்போது தலைமறைவாகியுள்ளார்.
