ருமேனியாவில் தொழில்வாய்ப்பு பெற்றுத் தருவதாக கூறி கொழும்பு பகுதியில் இளைஞர்களிடம் பணத்தைப் பெற்று மோசடி செய்தார் என்ற குற்றச்சாட்டில் பெண் ஒருவர் கைதுசெய்யப்பட்டுள்ளார்.
கொலன்னாவை பிரதேசத்தை சேர்ந்த குறித்த பெண், பத்தரமுல்ல பிரதேசத்தில் உள்ள பிரபல ஹோட்டல் ஒன்றில் தங்கியிருந்தபோதே கைதுசெய்யப்பட்டுள்ளார்.
கொழும்பில் உள்ள 5 இளைஞர்களிடம் சந்தேக நபரான பெண் 25 இலட்சம் ரூபா மோசடி செய்துள்ளதாக வெளிநாட்டு வேலைவாய்ப்பு பணியகத்துக்கு முறைப்பாடு கிடைத்துள்ளது.
பண மோசடியில் சிக்கிய இளைஞர்கள் பணியகத்தின் சிறப்பு புலனாய்வு பிரிவுக்கு வழங்கிய முறைப்பாடுகளின் அடிப்படையில் குறித்த பெண் கைதுசெய்யப்பட்டுள்ளார்.
