மன்னார், தள்ளாடிக்கும் பெரிய பாலத்துக்கும் இடையே உள்ள பகுதியில் கெப் ரக வாகனமொன்று வீதியோர கற்களில் மோதி, விபத்துக்குள்ளான சம்பவம் இன்று (07) அதிகாலை 2 மணியளவில் இடம்பெற்றுள்ளது.
மன்னார், சிலாவத்துறை, வேப்பங்குளம் பகுதியிலிருந்து குறித்த கெப் வாகனத்தில் அதன் சாரதி கடலுணவுகளை ஏற்றிச் சென்று கொண்டிருந்தபோதே இந்த விபத்து இடம்பெற்றுள்ளது.
இச்சம்பவத்தில் காயமடைந்த சாரதி மன்னார் மாவட்ட பொது வைத்தியசாலையில் சிகிச்சைக்காக அனுமதிக்கப்பட்டுள்ளார்.
இவ்விபத்து தொடர்பான மேலதிக விசாரணைகளை மன்னார் பொலிஸார் மேற்கொண்டு வருகின்றனர்.
