வெசாக் பந்தல்களை கண்டுகளித்துவிட்டு திரும்பிக்கொண்டிருந்த சிலர் பயணித்த சிறிய லொறியொன்று பாணந்துறை வலான பகுதியில் விபத்துக்குள்ளானதாக பாணந்துறை தெற்கு பொலிஸார் தெரிவிக்கின்றனர். இந்தச் சம்பவம் இன்று (7) காலை இடம்பெற்றுள்ளது.
இந்தச் சம்பவத்தில் காயமடைந்தவர்களில் நால்வரின் நிலைமை கவலைக்கிடமாக உள்ளதாக மருத்துவமனை வட்டாரங்கள் தெரிவிக்கின்றன.
கொழும்பில் அமைக்கப்பட்டுள்ள வெசாக் தோரணங்களை காண்பதற்காக பாணந்துறை நோக்கிச் சென்ற லொறி மின்கம்பம் மற்றும் இரண்டு இரும்பு வேலிகளை மோதி விபத்துக்குள்ளாகியுள்ளதாக பொலிஸ் விசாரணைகளில் தெரிய வந்துள்ளது.
இந்த சிறிய லொறியில் 17 பேர் பயணித்துள்ளதாக பொலிஸார் தெரிவிக்கின்றனர்.
இவ்விபத்து காரணமாக பாணந்துறை வலான பிரதேசத்தில் மின்சாரம் துண்டிக்கப்பட்டுள்ளது.
இதேவேளை, விபத்தில் காயமடைந்தவர்கள் மத்துகம, கெலிங்கந்த பிரதேசத்தைச் சேர்ந்தவர்கள் என பொலிஸார் தெரிவிக்கின்றனர்.
