பண்டாரகம, வல்மில்ல பகுதியில் முச்சக்கர வண்டியும் மோட்டார் சைக்கிளும் நேருக்கு நேர் மோதியதில் ஐவர் காயமடைந்து களுபோவில வைத்தியசாலையில் அனுமதிக்கப்பட்டுள்ளதாக பண்டாரகம பொலிஸார் தெரிவித்துள்ளனர்.
இன்று (16) இடம்பெற்ற இந்த விபத்தில் காயமடைந்தவர்களில் மூன்று பெண்கள் உள்ளடங்குவதாக பொலிஸார் தெரிவிக்கின்றனர்.
முச்சக்கரவண்டி பண்டாரகமவிலிருந்து கெஸ்பேவ நோக்கி பயணித்தபோது எதிர்த்திசையிலிருந்து வந்த மோட்டார் சைக்கிள் ஒரே நேரத்தில் வீதியை கடக்க, முச்சக்கரவண்டி சாரதி அதனை தவிர்க்க வலப்புறம் திருப்பி மோட்டார் சைக்கிளின் முன்பக்கத்தில் மோதியதாக பொலிஸார் தெரிவிக்கின்றனர்.
விபத்து இடம்பெற்றவுடன் பிரதேசவாசிகள் உடனடியாக ஸ்தலத்துக்குச் சென்று காயமடைந்த ஐவரையும் வைத்தியசாலையில் அனுமதிக்க முற்பட்டுள்ளனர்.
