சமூகநீதி, சகோதரத்துவம், சமதர்மத்தை ஏற்கும் சக்திகள் நாடு முழுவதும் ஒன்றிணைய வேண்டும்: முதல்வர் ஸ்டாலின் அழைப்பு

இந்த ஆட்சி அமைந்ததும் சிறுபான்மையினர் ஆணையம் அமைக்கப்பட்டுள்ளது. வக்பு சொத்துகளை பாதுகாக்க நடவடிக்கை எடுக்கப்பட்டுள்ளது. இதை நாங்கள், கோரிக்கை வைக்காமல் செய்து கொடுத்துள்ளோம்.

திராவிடக் கொள்கைகள்: சட்டப்பேரவையில் நேற்றுசிறுபான்மை நலத் துறை சார்பில் மானிய கோரிக்கை தாக்கல் செய்யப்பட்டபோது துறை அமைச்சர் மஸ்தான், பல முக்கிய அறிவிப்புகளை வெளியிட்டுள்ளார்.

கோரிக்கை வைக்காமல் செய்யும் இந்த அரசு கோரிக்கை விடுத்தும் செய்யாமல் விட்டுவிடுமா? உறுதியாக சொல்கிறேன் இது திராவிட மாடல் அரசு, கருணாநிதி வழியில் செயல்படும் உங்களுக்காக செயல்படும் அரசு. அனைத்து தரப்பினரையும் உள்ளடக்கிய அரசாக இந்த அரசு செயல்பட்டு வருகிறது. இன்று இந்த திராவிடக் கொள்கைகள் இந்தியா முழுவதும் பரவுவதை பார்க்கிறோம்.

இந்தியாவை காப்பாற்றும் ஆற்றல் சமூக நீதி, சகோதரத்துவம், சமதர்மம் ஆகியவற்றுக்குதான் உள்ளது. இந்த மூன்று கருத்துகளையும் ஏற்கும் ஜனநாயக சக்திகள் நாடு முழுவதும் ஒன்று சேர வேண்டும். இந்த ஒற்றுமையானது தேர்தலுக்காக மட்டுமல்ல; இந்தியாவின் எதிர்காலத்துக்காகவும் ஏற்பட வேண்டும். இவ்வாறு முதல்வர் பேசினார்.

இந்த நிகழ்ச்சியில், அமைச்சர்கள் மா.சுப்பிரமணியன், சா.மு.நாசர், செஞ்சி மஸ்தான், தமிழ்நாடு பிற்படுத்தப்பட்டோர் பொருளாதார மேம்பாட்டுக்கழகத்தின் தலைவர் துறைமுகம் காஜா, வீட்டுவசதி வாரிய தலைவர் பூச்சி எஸ்.முருகன், மனிதநேய மக்கள் கட்சி தலைவர் எம்.எச்.ஜவாஹிருல்லா, ஐயுஎம்எல் பொதுச்செயலாளர் முகமது அபுபக்கர், வக்பு வாரிய தலைவர் அப்துல் ரகுமான், அரசு தலைமை காஜிக்கள் சலாவுதீன் முகமது அயூப், குலாம் முகமது மெஹ்தி கான் உள்ளிட்டோர் பங்கேற்றனர்.