யாழ். கோப்பாய் பொலிஸ் பிரிவுக்குட்பட்ட உரும்பிராய் பகுதியில் யாழ்ப்பாணம் போதைப்பொருள் தடுப்பு பிரிவினர் நேற்று (30) மேற்கொண்ட சுற்றிவளைப்பின்போது, மோட்டார் வாகனத்தில் மறைத்து வைக்கப்பட்டிருந்த 15 கிலோ 698 கிராம் எடையுடைய கஞ்சா பொதியுடன் நபரொருவரை கைது செய்து கோப்பாய் பொலிஸ் நிலையத்தில் ஒப்படைத்துள்ளனர்.
இவ்வாறு கைது செய்யப்பட்டவர் கல்வியன்காடு பிரதேசத்தைச் சேர்ந்த 24 வயதுடைய இளைஞர் ஆவார்.
சந்தேக நபர் இன்று (31) யாழ்ப்பாணம் மஜிஸ்திரேட் நீதிமன்றில் ஆஜர்படுத்துவதற்கான நடவடிக்கைகளை கோப்பாய் பொலிஸார் முன்னெடுத்திருந்தனர்.
