ஹாலி-எல, போகொட பிரதேசத்தில் உள்ள ஆறு ஒன்றைக் கடக்கச் சென்ற சகோதரனும் சகோதரியும் நீரில் அடித்துச் செல்லப்பட்ட நிலையில் உயிரிழந்த நிலையில் மீட்கப்பட்டுள்ளனர்.
குறித்த இருவரும் நேற்று (23) மாலை ஆற்றைக் கடக்கும் போது நீரில் அடித்துச் செல்லப்பட்ட நிலையில் காணாமல்போனதாக ஹாலி-எல பொலிஸார் தெரிவிக்கின்றனர்.
ஹாலிஎல போகொட, கொகட்டியமல்வ பிரதேசத்தில் வசித்து வந்த 10 மற்றும் 7 வயதான இருவரே இவ்வாறு காணாமல்போன நிலையில் இன்றையதினம் சடலங்களாக மீட்கப்பட்டுள்ளனர்.
நேற்று வியாழக்கிழமை பிற்பகல் பெய்த அடைமழையின்போது, எகொடகொடையில் உள்ள வீடொன்றில் இருந்த தமது தாயாரைத் தேடி இருவரும் தமது வீட்டிலிருந்து சென்றபோதே இந்தச் சம்பவத்துக்கு முகம்கொடுத்துள்ளனர்.
இருவரும் கடக்கஆற்றில் இறங்கிய போது திடீரென நீரினால் அடித்துச் செல்லப்பட்டதாக பொலிஸார் மேலும் தெரிவித்தனர்.
