வரவேற்பில் ஆடம்பரத்தை தவிர்த்து இளைஞரணி அறக்கட்டளைக்கு நிதி தாருங்கள்

மேலும், ‘ஆதரவற்றோர், முதியோர் இல்லங்களுக்கு வழங்கும்வகையில் மகளிர் சுயஉதவிக் குழுக்களின் தயாரிப்புகளை வழங்குங்கள்’ என்று நான் கேட்டுக்கொண்டபடி நீங்கள் வழங்கிய அந்தப் பொருட்களை சென்னையைச் சுற்றியுள்ள பல இல்லங்களுக்கு அளித்துள்ளேன்.

அதேபோல், பலரும் என்னிடம் இளைஞர் அணி அறக்கட்டளைக்கு நிதியுதவி வழங்குகின்றனர். அதில்பாரபட்சம் பார்க்காமல், என் சமூகவலைதளங்களில் தொடர்ந்து பகிர்ந்து வருகிறேன். அந்த நிதியிலிருந்து மருத்துவம், கல்வி போன்ற உதவிகளைத் தேவையுள்ள ஏழை-எளிய மக்களுக்கு வழங்கி வருகிறோம்.

இவ்வாறு கடந்த ஒரு மாதத்தில், நாமக்கல், சேலம், கரூர் மாவட்டங்களைச் சேர்ந்த 55 பயனாளிகளுக்கு தலா ரூ.25 ஆயிரம் என ரூ.13.75 லட்சத்தை வழங்கியுள்ளோம். இப்பணியைத் தமிழகம் முழுவதும் தொடர உள்ளோம். எனவே நீங்கள் காட்டும்அன்பை, இளைஞரணி அறக்கட்டளைக்கான நிதியுதவியாக வழங்குங்கள்.

வறுமைப் பின்னணியில் வாழ்வை வெல்லத் துடிக்கும் மாணவர்களின் கல்வி காக்க உதவலாம். நீங்கள் எனக்கு அன்பளிப்பாக வழங்கும் ஒரு புத்தகம் ஏதோ ஒரு கிராமத்தில் உள்ள குழந்தைக்கு உதவும். மகளிர்சுயஉதவிக் குழுத் தயாரிப்புகள் தயாரிப்பவர்-பயன்படுத்துவோர் என இருதரப்புக்கும் பயனளிக்கும்.

எனவே, திமுக தொண்டர்கள் பயனற்ற ஆடம்பரங்களைத் தவிர்த்து, தேவையானவர்களுக்கு உதவும் வகையில் புத்தகங்கள், அறக்கட்டளைக்கான நிதியுதவியையும்,மகளிர் சுய உதவிக் குழுத் தயாரிப்புகளை மட்டுமே அன்பளிப்பாக வழங்கிடுங்கள். இவ்வாறு அவர் தெரிவித்துள்ளார்.