பாராளுமன்ற உயர் பாதுகாப்பு வலயத்தை காணொளி எடுத்தார்கள் என்ற குற்றச்சாட்டில் இருவரை பாராளுமன்ற பிரிவு அதிகாரிகள் கைது செய்துள்ளனர். பின்னர், சந்தேக நபர்கள் இருவரும் தலங்கம பொலிஸாரிடம் ஒப்படைக்கப்பட்டுள்ளனர்.
கடந்த 29ஆம் திகதி மாலை, பாராளுமன்ற மைதானத்தில் உள்ள ரணவிரு நினைவுத் தூபிக்கு அருகில் உள்ள அதியுயர் பாதுகாப்புப் பகுதிக்குள் அத்துமீறி நுழைந்த சந்தேக நபர்கள் நாடாளுமன்றத்தை வீடியோ பதிவு செய்தனர்.
கைது செய்யப்பட்ட சந்தேக நபர்கள் 22 மற்றும் 31 வயதுடைய யாழ்ப்பாணம் மற்றும் குருந்துவத்தையைச் சேர்ந்தவர்களாவர்.
சந்தேக நபர்கள் நேற்று (30) கடுவெல நீதிவான் முன்னிலையில் ஆஜர்படுத்தப்பட்டதன் பின்னர் பெப்ரவரி 7 ஆம் திகதி வரை விளக்கமறியலில் வைக்கப்பட்டுள்ளனர்.
