ஒருங்கமைக்கப்பட்ட குற்றக் குழுவைச் சேர்ந்தவரும் பாரிய போதைப்பொருள் கடத்தல்காரருமான மலலகே சுதத் கித்சிறி துஷார என்ற வெலிவிட்ட சுத்தா ஹெரோயினுடன் பொலிஸ் விசேட அதிரடிப்படையினரால் கைது செய்யப்பட்டுள்ளார்.
விசேட அதிரடிப்படையினரால் மேற்கொள்ளப்பட்ட சுற்றிவளைப்பின்போதே குறித்த நபர் கைது செய்யப்பட்டுள்ளார்.
29 ஆம் திகதி ஞாயிற்றுக்கிழமை கடுவெல பொலிஸ் பிரிவில் இந்தச் சுற்றிவளைப்பு மேற்கொள்ளப்பட்டது.
இதன்போதே 13 கிராம் ஹெரோயின் போதைப்பொருளை வைத்திருந்த 46 வயதான வெலிவிட்ட சுத்தா கைது செய்யப்பட்டார்.
இதேவேளை, இவருடன் நெருங்கிய தொடர்பைக் கொண்டிருந்த கரந்தெனியே சுத்தா” “அண்டடோல ரங்கா” என்பவரும் ஹெரோயினுடன் விசேட அதிரடிப்படையினரால் கைது செய்யப்பட்டுள்ளார்.
கைது செய்யப்பட்ட சந்தேக நபர்களிடம் மேலதி விசாரணைகள் மேற்கொள்ளப்பட்டு வருகின்றன.
