யாழ்ப்பாணம் பொலிஸ் பிரிவுக்கு உட்பட்ட பகுதியில் , கணவனின் கழுத்தில் கத்தியை வைத்து மனைவியை வன்புணர முயற்சித்த குற்றச்சாட்டில் ஒருவர் கைது செய்யப்பட்டுள்ளார்.
அதேவேளை சம்பவத்துடன் தொடர்புடைய மேலும் இருவரை கைது செய்வதற்கு பொலிஸார் தேடி வருகின்றனர்.
சம்பவம் தொடர்பில் தெரியவருவதாவது,
கடந்த சில தினங்களுக்கு முன்னர் , இரவு வேளை வீடொன்றினுள் அத்துமீறி கூரிய ஆயுதங்களுடன் நுழைந்த மூவர் , வீட்டில் இருந்த கணவனின் கழுத்தில் கத்தியை வைத்து மிரட்டி , மனைவியை வன்புணர முயற்சித்துள்ளனர்.
அதன் போது , அவர்கள் அபய குரல் எழுப்பவே , வீட்டினுள் நுழைந்த மூவரும் , அவர்களை தாக்கி விட்டு அங்கிருந்து தப்பி சென்றனர்.
சம்பவம் தொடர்பில் யாழ்ப்பாண பொலிஸ் நிலையத்தில் முறைப்பாடு பதிவு செய்யப்பட்டதை அடுத்து , பொலிஸார் விசாரணைகளை முன்னெடுத்து வந்த நிலையில் சம்பவத்துடன் தொடர்புடைய குற்றச்சாட்டில் இளைஞன் ஒருவர் கைது செய்யப்பட்டுள்ளார்.
