அம்பாந்தோட்டை பகுதியில் கணவரால் கூரிய ஆயுதத்தால் தாக்குதலுக்குள்ளான மனைவி உயிரிழந்துள்ளதாக பொலிஸ் ஊடகப்பிரிவு தெரிவித்துள்ளது.
அம்பாந்தோட்டை பொலிஸ் பிரிவுக்கு உட்பட்ட தெஹெம்பர பிரதேசத்தில் நேற்று சனிக்கிழமை (டிச. 24) கணவன், மனைவிக்கிடையில் ஏற்பட்ட குடும்ப தகராறினால் இந்தக் கொலை இடம்பெற்றுள்ளது.
தெஹெம்பர – பஹல பெரகம பிரதேசத்தைச் சேர்ந்த 50 வயதுடைய பெண்ணொருவரே கொல்லப்பட்டுள்ளார்.
இந்த கொலையுடன் தொடர்புடைய சந்தேக நபரான 55 வயதுடைய குறித்த பெண்ணின் கணவர் கைதுசெய்யப்பட்டுள்ளார்.
இந்த கொலை சம்பவம் தொடர்பில் அம்பாந்தோட்டை பொலிஸார் மேலதிக விசாரணைகளை முன்னெடுத்து வருகின்றனர்.
