நுவரெலியா – ஹட்டன் பிரதான வீதியில் லொறி வீதியை விட்டு விலகி குடைசாய்ந்து விபத்துக்குள்ளாகியுள்ளது.
மஹியங்கனை பகுதியிலிருந்து ஹட்டன் பகுதிக்கு மணல் ஏற்றிச்சென்ற லொறி, ஹட்டன் பிரதான வீதியில் பத்தனை தமிழ் மகா வித்தியாலயத்திற்கு அருகில் வீதியை விட்டு விலகி குடைசாய்ந்து விபத்துக்குள்ளாகியுள்ளது.
காட்டுப்பன்றிகள் கூட்டமாக பிரதான வீதியை கடந்து செல்லும் போது அதை கண்டு லொறியை கட்டுப்படுத்த முயன்றபோது கட்டுப்பாட்டுக்கு அப்பால் லொறி குடைசாய்ந்ததாக லொறியின் ஓட்டுனர் தெரிவித்துள்ளார்.
லொறியில் சாரதி மட்டும் பயணித்துள்ளதாகவும், எனினும் அவருக்கு எவ்வித பாதிப்பும் இல்லை என பொலிஸார் தெரிவித்தனர்.
இவ்விபத்து குறித்து மேலதிக விசாரணைகளை திம்புள்ள – பத்தனை பொலிஸார் மேற்கொண்டு வருகின்றனர்.
