35 கோடி ரூபாவிற்கும் அதிக பெறுமதியான ஹெரோயினுடன் இருவர் கைது

அங்கொட லொக்காவின் சகாவான ‘ஜிலெ’ என்பவருக்கு சொந்தமான 35 கோடி ரூபாவிற்கும் அதிகமான பெறுமதியான 12 கிலோ ஹெரோயின் இன்று முல்லேரிய பரோன் திலகரத்ன மாவத்தையில் வைத்து பொலிஸ் விசேட அதிரடிப்படையினரால் கைதுப்பற்றப்பட்டுள்ளது.
இந்த ஹெரோயின் போதைப்பொருளுடன் இரண்டு சந்தேகநபர்கள் கைது செய்யப்பட்டுள்ளதாக பொலிஸ் விசேட அதிரடிப்படையினர் மேலும் தெரிவித்துள்ளனர்.
சந்தேகநபர்கள் மற்றும் ஹெரோயின் ஆகியவை மேலதிக விசாரணைகளுக்காக முல்லேரிய பொலிஸாரிடம் ஒப்படைக்கப்படவுள்ளதாக விசேட அதிரடிப்படை மேலும் தெரிவித்துள்ளது.
இந்நிலையில், ‘ஜிலே’ என்று அழைக்கப்படும் தனுஷ்க புத்திக இந்தியாவிற்கு தப்பிச் சென்று தலைமறைவாகியுள்ளதாக பாதுகாப்பு தரப்பினருக்கு தகவல் கிடைத்துள்ளதாக தெரிவிக்கப்படுகின்றது.