பொலிஸ் உத்தியோகத்தர்கள் இருவர் பயணித்த மோட்டார் சைக்கிளுக்கு முன்னால் வீதியின் குறுக்கே நாய் ஒன்று பாய்ந்ததில் மோட்டார் சைக்கிள் விபத்துக்குள்ளாகி பொலிஸ் கான்ஸ்டபிள் ஒருவர் உயிரிழந்துள்ளதுடன் மற்றுமொரு கான்ஸ்டபிள் காயமடைந்துள்ளதாகவும் பாணாமுர பொலிஸார் தெரிவிக்கின்றனர்.
சம்பவத்தில் உயிரிழந்தவர் பாணாமுர பொலிஸின் ஊழலுக்கு எதிரான பிரிவில் கடமையாற்றிய சாந்த (36) என்ற கான்ஸ்டபிள் (71332) என பொலிஸார் தெரிவித்தனர்.
எம்பிலிப்பிட்டிய வீதியில் பாணமுர பிரதேசத்தில் போதைப்பொருள் ஒழிப்புப் பிரிவைச் சேர்ந்த பொலிஸ் குழுவொன்று நேற்று (22) போதைப்பொருள் சோதனையில் ஈடுபட்ட பின்னர் மோட்டார் சைக்கிள்களில் பொலிஸ் நிலையத்துக்குத் திரும்பிக் கொண்டிருந்த போதே இவ்விபத்து இடம்பெற்றுள்ளதாக பாணாமுர பொலிஸார் தெரிவித்தனர்.
