அவுஸ்திரேலிய பாதுகாப்பு தூதுக்குழுவிற்கும் , விமானப்படை தளபதி எயா மார்ஷல் சுதர்ஷன பத்திரணவிற்கும் விசேட சந்திப்பொன்று இடம்பெற்றுள்ளது.
இந்த சந்திப்பின் போது ‘இந்து – பசுபிக் பெருமுயற்சி 2022’ க்கான ஒருமித்த செயலணியின் கட்டளை அதிகாரி உள்ளிட்ட தூதுக்குழுவினர் , விமானப்படை தலைமையகத்தில் விமானப்படை தளபதியை சந்தித்து பல முக்கிய விடயங்கள் தொடர்பில் கலந்துரையாடியுள்ளனர்.
இதன் போது இருதரப்பு பயிற்சிகள் தொடர்பிலும் , சமுத்திர கண்காணிப்பு மற்றும் மீட்பு பணிகளை முன்னெடுத்து இந்து சமுத்திரத்தின் பாதுகாப்பை மேம்படுத்தல் தொடர்பிலும் அவதானம் செலுத்தப்பட்டுள்ளமை குறிப்பிடத்தக்கது.
