இந்துக்கள் கொண்டாடும் தீபத் திருநாளை முன்னிட்டு இந்துக் குருமார் அமைப்பின் தலைவரான சிவஸ்ரீ. கு.வை.க. வைத்தீஸ்வர குருக்கள் ஆசிச் செய்தி வழங்கியுள்ளார்.
இதன்போது அவர்,
எமது மக்கள் வாழ்வில் மகிழ்ச்சியும் வளமும் கிடைக்க பிரார்த்தனை செய்கிறோம்.
தமிழ் மக்கள் வாழ்வில் ஒன்றிணைந்த திருநாட்களில் தீபாவளி பண்டிகை பிரதானமான இடத்தை வகிக்கிறது.
எமது மக்கள் வாழ்வில் பல்வேறு விதமான கஷ்டங்கள், துயரங்களை எதிர்கொண்டு வரும் காலப்பகுதியில், ஒரு தீப ஒளியானது எவ்வாறு இருளை அகற்றுகிறதோ, அதுபோலவே எமது மக்கள் வாழ்வில் சகல துயரமும் நீங்கி இன்பமான வாழ்வும் வளமும் நலமும் பலமும் பெற்று, சுபீட்சமான வாழ்நிலை அமைந்திட வேண்டும் என அன்பே உருவான பரம்பொருளின் பாதம் பணிந்து பிரார்த்தனை செய்து, மனம் நிறைந்த நல்வாழ்த்துக்களையும் நல்லாசிகளையும் இந்து குருமார் அமைப்பின் சார்பில் பகிர்ந்துகொள்கின்றோம்.
இச்சமயத்தில் நாம் இயன்றவரை அதிகரித்த செலவினை தவிர்த்து, தேவையுடைய மக்களுக்கு இயன்ற வரை உதவியுடன் ஆதரவு வழங்குவது நமது கடமையாகவும் தேவையாகவும் உள்ளது.
ஆகவே, இயன்றவர்கள் இயன்ற வரை உதவி செய்து, அனைவருக்காகவும் பிரார்த்திப்போம் என குறிப்பிட்டுள்ளார்.
