யாழ். சாவகச்சேரி டச் வீதியில் அமைந்துள்ள வீடொன்றில் நேற்று சனிக்கிழமை (ஒக் 22) மதியம் சமையல் எரிவாயு அடுப்பொன்று வெடித்து சிதறியுள்ளது.
வீட்டில் இருந்த பெண்மணி சமையல் செய்துகொண்டிருந்த போதே இவ்வாறு அடுப்பு வெடித்துள்ளது.
வெடிப்பினால் அடுப்பு சேதமடைந்துள்ளது. எனினும், வீட்டில் இருந்த எவருக்கும் பாதிப்புக்கள் எதுவும் ஏற்படவில்லை.
குறித்த சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.
