அரசாங்கத்தினால் 15 அத்தியாவசியப் பொருட்களுக்கு கட்டுப்பாட்டு விலைகள் நிர்ணயிக்கப்பட்ட நிலையில் அவற்றில் 10 பொருட்களின் விலையை 5 ரூபா வரை அதிகரித்து விற்பனை செய்ய முடியுமென நுகர்வோர் விவகார அதிகார சபையினால் வெளியிடப்பட்டுள்ள அதி விசேட வர்த்தமானி அறிவித்தல் மூலம் குறிப்பிடப்பட்டுள்ளது.
அந்த வர்த்தமானியில் மேலும் குறிப்பிடப்பட்டுள்ளதாவது, கட்டுப்பாட்டு விலை நிர்ண யம் செய்யப்பட்டுள்ள 16 அத்தியாவசியப் பொருட்களில் பத்து பொருட்களுக்கு மேலும் 5 ரூபா அதிக பட்சமாக சேர்த்து வர்த்தகர்கள் விற்பனை செய்ய முடியும்.
மைசூர் பருப்பு, இறக்குமதி செய்யப்பட்ட நெத்தலி, கடலை, பயறு, வெள்ளைச்சீனி, கோதுமை மா, காய்ந்த மிளகாய், கட்டா மற்றும் சாளை கருவாடு, மாசி உள்ளிட்ட பொருட்களுக்கே இவ்வாறு மேலும் 5 ரூபாவரை சேர்த்துக்கொள்ள முடியும் என்று குறிப்பிடப்பட்டுள்ளது.
