கொழும்பு-தெமட்டகொட பிரதேசத்தில் ஹெரோயின் போதைப்பொருளுடன் 8 பேர் கைது செய்யப்பட்டுள்ளார்கள்.
சந்தேக நபர்கள் 11 ஆம் திகதி ஞாயிற்றுக்கிழமை கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.
தெமட்டகொட பொலிஸ் பிரிவுக்கு உட்பட்ட பகுதியில் உள்ள தொடர்மாடி குடியிருப்பு பகுதியில் மேற்கொள்ளப்பட்ட விசேட சுற்றிவளைப்பில் 35 கிராம் ஹெரோயின் போதைப்பொருள், 100 போதைப்பொருள் மாத்திரைகள் உட்பட பெண் ஒருவர் மற்றும் 7 ஆண்கள் கைது செய்யப்பட்டுள்ளார்கள்.
இதன்போது கைது செய்யப்பட்டவர்கள் 19 வயது முதல் 44 வயதுக்கு இடைப்பட்டவர்கள் எனவும் அவர்கள் அனைவரும் மாளிகாவத்தை மற்றும் இராஜகிரிய பிரதேசங்களை சேர்ந்தவர்கள் எனவும் பொலிஸார் குறிப்பிட்டுள்ளார்கள்.
சந்தேகநபர்கள் 11 ஆம் திகதி ஞாயிற்றுக்கிழமை புதுக்கடை 8 இலக்கம் மற்றும் மாளிகாகந்தை நீதவான் நீதிமன்றில் ஆஜர்படுத்தப்பட்டு எதிர்வரும் 20ஆம் திகதி வரை விளக்கமறியலில் வைக்கப்பட்டுள்ளார்கள் .
சம்பவம் தொடர்பில் தெமட்டகொட பொலிஸார் மேலதிக விசாரணைகளை முன்னெடுத்துள்ளார்கள்.
