புதிய இலங்கை சுதந்திரக்கட்சி என்ற புதிய கட்சியின் தலைமை அலுவலகத்தை முன்னாள் ஜனாதிபதி சந்திரிகா குமாரதுங்க திறந்துவைத்துள்ளார்.
நாடாளுமன்ற உறுப்பினர் குமாரவெல்கமவின் புதிய இலங்கை சுதந்திரக்கட்சியின் தலைமை அலுவலகத்தையே முன்னாள் ஜனாதிபதி திறந்துவைத்துள்ளார்- இந்த தலைமையலுவலகம் பத்தரமுல்லயில் உள்ளது.
சமீபத்தில் தொலைக்காட்சி பேட்டியொன்றில் கருத்து தெரிவித்த குமார வெல்கம முன்னாள் ஜனாதிபதி சந்திரிகா குமாரதுங்கவின் மகனை அரசியலிற்கு கொண்டுவருவது குறித்து மிகுந்த ஆர்வத்துடன் உள்ளதாக தெரிவித்திருந்தார்.
கடந்த தேர்தலில் ஐக்கிய மக்கள் சக்தியின் கீழ் போட்டியிட்ட குமாரவெல்கம நாடாளுமன்றத்தில் சுயாதீன உறுப்பினராக செயற்படுகின்றார்.
எனினும் ஜனாதிபதியின் இடைக்கால வரவு செலவுதிட்டத்திற்கு ஆதரவாக இவர் வாக்களித்திருந்தார்.
